జగన్‌.. ఇది సరికాదంటూ ఉండవల్లి లేఖ

Spread the love

ఆంధ్రప్రదేశ్ ముఖ్యమంత్రి వైఎస్ జగన్‌మోహన్‌రెడ్డికి అన్ని అడ్డంకునే ఎదురవుతున్నాయి. మూడు రాజధానుల నిర్ణయం నుంచి అడుగడుగున సమస్యలు మొదలవుతున్నాయి. మూడు రాజధానులు వద్దు.. అమరావతి ముద్దు అంటూ రైతులు రోడ్లపైకి వచ్చి నిరసన గళం వినిపించారు. కాగా, నెవీ అధికారులు సైతం జగన్ షాక్ ఇచ్చారు. ఇలా ప్రతిదీ అడ్డంకిగా మారుతోంది. కాగా, తెలుగు యూనివర్సిటీ స్థలంపై కూడా వ్యతిరేక వస్తోంది. యూనివర్సిటీ స్థలంపై జగన్ కు మాజీ ఎంపీ ఉండవల్లి అరుణ్‌కుమార్ లేఖ రాశారు. నగరంలో ఉన్న తెలుగు యూనివర్శిటీకి సంబంధించి స్థలాన్ని ఇళ్ల స్థలాల కోసం తీసుకోవడం సరికాదన్నారు. వర్శిటీకి సంబంధించిన 20 ఎకరాల స్థలాన్ని కేటాయిస్తూ కలెక్టర్ ఉత్తర్వులు జారీ చేయడాన్ని తప్పుబట్టారు. షెడ్యూల్ 10 ప్రకారం ఇది తెలుగు రాష్ట్రాల ఉమ్మడి ఆస్తి అని.. విభజన కూడా జరగకుండా ఎలా ఆ స్థలాలు ఇస్తారని ప్రశ్నించారు. ఈ ఆస్తిని ఏపీ, తెలంగాణ రాష్ట్రాలు విభజించుకోలేదు కాబట్టి.. విభజన చట్టానికి వ్యతిరేకంగా కలెక్టర్ ఆదేశాలు ఇచ్చారని లేఖలో ప్రస్తావించారు. ఈ ఆదేశాలను నిలివేయాలని ముఖ్యమంత్రిని కోరారు.
రాజమండ్రి రూరల్‌ బొమ్మూరు సమీపంలో 1985లో అప్పటి సీఎం ఎన్టీఆర్ 45 ఎకరాల విస్తీర్ణంలో తెలుగు వర్సిటీ ప్రాంగణాన్ని ఏర్పాటు చేశారు. ఇది తెలుగు యూనివర్సిటీకి అనుబంధంగా ఉన్న సాహిత్య పీఠం. 1993లో క్యాంపస్ మొదలైంది.. హాస్టల్ కూడా ప్రారంభించారు. లైబ్రరీ, ఇతర సౌకర్యాలు ఏర్పాటు కోసం ప్రతిపాదనలు ఉన్నాయి. అయితే వర్సిటీకి చెందిన 45 ఎకరాల్లో 25 ఎకరాలు ప్రభుత్వ సంస్థలకు కేటాయించగా.. మరో 20 ఎకరాల మిగిలింది. ఇప్పుడు మొత్తం 20 ఎకరాల్లో విస్తరించి ఉన్న వర్సిటీని తరలించే ప్రతిపాదన తెరపైకి వచ్చిందట. మూడు రోజుల క్రితం సీఎం జగన్‌కు ఉండవల్లి మరో లేఖ రాశారు. తెలుగు యూనివర్శిటీ స్థలాల వ్యవహారానికి ముందు.. హైకోర్టు బెంచ్ రాజమండ్రిలో ఏర్పాటు చేయాలని మరో లేఖ రాశారు. ఈ సందర్భంగా జగన్ తండ్రి వైఎస్ విషయాన్ని ప్రస్తావించారు. 14 ఏళ్ల క్రితం దివంగత ముఖ్యమంత్రి వైఎస్ రాజశేఖర్‌రెడ్డి రాజమండ్రిలో బెంచ్ పెట్టాలని ఆలోచన చేశారని గుర్తు చేశారు. కాబట్టి ఆ దిశగా ప్రభుత్వం ఆలోచన చేసి.. నిర్ణయం తీసుకోవాలని.. హైకోర్ట్ బెంచ్‌కు రాజమండ్రి అనుకూలమని లేఖలో ప్రస్తావించారు. రాజమండ్రిలో హైకోర్టు బెంచ్‌ ఏర్పాటును పరిశీలించాలని జగన్‌ను కోరారు.

For more news :

Like us at Facebook Watch Us on YouTube Follow us on Twitter

Leave a Reply

Your email address will not be published. Required fields are marked *