చైనాలో తగ్గుముఖం.. కానీ 57 దేశాలకు..

Spread the love

చైనాలోని వుహాన్‌ నగరంలో మొదలైన ప్రాణాంతక కోవిడ్-19 (కరోనా వైరస్) ప్రస్తుతం ప్రపంచవ్యాప్తంగా విస్తరించింది. మొత్తం 57 దేశాల్లో కరోనా కేసులు వెలుగుచూడటంతో మరింత కలవరానికి గురిచేస్తోంది. అంటార్కిటికా మినహా అన్ని ఖండాలకు కరోనా వ్యాపించింది. ఇటలీలో 11 నగరాలలో ప్రజా రవాణా నిలిపివేయగా, బ్రిటన్, జపాన్, ఇరాన్, జర్మనీలు పాఠశాలలను మూసివేశారు. కాలిఫోర్నియాలో 8,400 మంది కరోనా అనుమానితులు వైద్యుల పర్యవేక్షణలో ఉన్నారు. భారత్ సహా పలు దేశాలు ట్రావెల్ అడ్వైజరీని జారీచేయగా.. మక్కా సందర్శనకు వచ్చే విదేశీ యాత్రికులను సౌదీ తాత్కాలికంగా నిషేధించింది.
ప్రపంచవ్యాప్తంగా కరోనా వైరస్ విస్తరించడంతో మహమ్మారిని ఎదుర్కొడానికి మరింత అప్రమత్తంగా ఉండాలని డబ్ల్యూహెచ్‌ఓ హెచ్చరించింది. ప్రపంచవ్యాప్తంగా ఇప్పటి వరకు 2,900 మంది ప్రాణాలు కోల్పోగా, 84,750 కేసులు నమోదయ్యాయి. కరోనా వైరస్ ముప్పు తప్పినట్టేనని భారత పర్యటనలో అమెరికా అధ్యక్షుడు డొనాల్డ్ ట్రంప్ చేసిన వ్యాఖ్యలతో నిపుణులు ఏకీభవించడంలేదు. అమెరికాకు కోవిడ్ 19 ముప్పు ఉందని యూఎస్ స్టేట్ డిపార్ట్‌మెంట్ అండ్ సెంటర్ ఫర్ డిసీజ్ కంట్రోల్ అండ్ ప్రివెంటివ్ అంచనా వేస్తోంది.
వైరస్ ఇకపై వస్తుందా అనేది ప్రశ్న కాదని, కచ్చితంగా ఎప్పుడు సోకుతుందనేది ఆలోచించాలని సీడీఎస్ నేషనల్ సెంటర్ ఫర్ ఇమ్యూనైజేషన్ అండ్ రెస్పిరేటరీ డిసీజెస్ డైరెక్టర్ డాక్టర్ నాన్సీ మెస్సోన్నీర్ అన్నారు. అమెరికాలో ఇప్పటి వరకు 60 మంది నమూనాల్లో కరోనా వైరస్ గుర్తించారు. ఇటలీలో 655 కరోనా వైరస్ కేసులు నమోదుకాగా, 17 మంది మృతిచెందారు. దీంతో ఉత్తర ప్రావిన్సుల్లోని లాంబార్డో, వెనెంటో నగరాల్లో పాఠశాలలు, చర్చిలు, మార్కెట్‌లు మూతపడ్డాయి. సిఎన్‌బిసి ప్రకారం.. భూగర్భ శ్మశాన వాటికలలో తేమ, పరిమిత స్థలం వైరస్ వ్యాప్తికి అనుకూలంగా ఉండటంతో వాటికన్ సిటీని ప్రజల కోసం తెరిచి ఉంది.
పలు ఐరోపా దేశాల్లో కరోనా వైరస్ కేసులు ధ్రువీకరించగా, వీటిలో ఎక్కువ శాతం ఇటలీలోనే ఉన్నాయి. గతవారం బ్రిటన్‌కు చెందిన స్కూల్ విద్యార్థులు, ఉపాధ్యాయులు ఇటలీలో విహారయాత్రకు వెళ్లినట్టు తెలుస్తోంది. మరోవైపు, వైరస్‌కు కేంద్ర స్థానమైన చైనాలో కోవిడ్ తగ్గుముఖం పడుతోంది. కొత్త కేసులతోపాటు బాధితుల సంఖ్య కూడా గత పది రోజుల నుంచి తగ్గుముఖం పట్టగా, మరణాలు కూడా తక్కువగా నమోదవుతున్నాయి. ఇప్పటి వరకూ చైనాలో 2,788 మంది ప్రాణాలు కోల్పోగా, 78,824 కేసులు నమోదవుతున్నాయి.

For more news :

Like us at Facebook Watch Us on YouTube Follow us on Twitter

Leave a Reply

Your email address will not be published. Required fields are marked *